2024-08-09 11:50:32, 482 ნახვა
მსოფლიო
რუსეთის ლიპეცკის ოლქში საგანგებო მდგომარეობა გამოცხადდა და მოსახლეობის ევაკუაცია განხორციელდა
რუსეთის ფედერაციის ლიპეცკის ოლქზე უპილოტო საფრენი აპარატებით თავდასხმა განხორციელდა, რის გამოც ოლქის ტერიტორიაზე საგანგებო მდგომარეობა გამოცხადდა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ადგილობრივ ხელისუფლებაზე დაყრდნობით ავრცელებს.
როგორც მედია იტყობინება, პარალელურად, 4 დასახლებიდან - კოპცევი-ხუტორიდან, ფედოროვკიდან, იაკოვლევკიდან და ტინკოვკიდან მოსახლეობის ევაკუაცია განხორციელდა.
ევაკუაციას სულ 416 ოჯახი დაექვემდებარა.
ადგილობრივი ხელისუფლების ცნობით, უპილოტო საფრენი აპარატის დაცემის შედეგად ენერგეტიკული ინფრასტრუქტურის ობიექტი დაზიანდა, რის გამოც ელექტრომომარაგება შეზღუდული იყო.
ავტორი: ექსპრესნიუსი,
epn.ge (@expressnews.ge)
