ფულადი გზავნილი არის ფინანსური პროდუქტი, რომელიც შესაძლებლობას გაძლევს, სასურველი თანხა, გაუგზავნო მესამე პირს საბანკო ანგარიშის გამოყენების გარეშე, როგორც ქვეყნის შიგნით, ისე მსოფლიოს ნებისმიერ წერტილში.

რა არის საჭირო ფულადი გზავნილის შესრულებისთვის

დღეს,  ფულადი გზავნილების არაერთი  სისტემა გამოიყენება.

ფულადი გზავნილების სისტემების მომსახურებით რომ ისარგებლო, ამისთვის, გჭირდება საიდენტიფიკაციო დოკუმენტი და გზავნილის უნიკალური კოდი, რომლითაც ხდება მისი იდენტიფიცირება.

იმისთვის, რომ საერთაშორისო ფულადი გადარიცხვა  იყოს სწრაფი და უსაფრთხო, აუცილებელია, რომ ამ სერვისისთვის კომპანია სწორად შეარჩიო, ასევე, დააკვირდე რამდენიმე საკვანძო ინფორმაციას:

გაცვლითი კურსი და საკომისიო

ზოგიერთი კომპანია გვთავაზობს კონკურენტულ ვალუტის გაცვლით კურსებს, მაგრამ აწესებს მაღალ საკომისიოს, ზოგმა კი, შესაძლოა, შემოგთავაზოს დაბალი გადასახადი, მაგრამ ნაკლებად ხელსაყრელი გაცვლითი კურსი.

ყველაზე ეფექტური ვარიანტის მოსაძებნად, უმჯობესი იქნება, თუ სხვადასხვა კომპანიების შეთავაზებებს ერთმანეთს შეადარებ.

ფულის გადარიცხვის სიჩქარე

ფულის გადარიცხვის სიჩქარე ამა თუ იმ კომპანიაში, შესაძლოა, მკვეთრად განსხვავდებოდეს. ზოგიერთი ფინანსური ორგანიზაცია გვთავაზობს მყისიერ გადარიცხვებს, ზოგს კი შეიძლება რამდენიმე დღე დასჭირდეს.

გადაუდებელი შემთხვევებისთვის, აირჩიე კომპანია, რომელსაც ფულის გადარიცხვა დაჩქარებული წესით შეუძლია. აქვე, გაითვალისწინე, რომ დაჩქარებული პროცედურისთვის, შესაძლოა, მაღალი გადასახადი დაგეკისროს.

გადარიცხვის მეთოდები და გადახდის ვარიანტები

ფულადი გზავნილებისთვის, ფინანსური ორგანიზაციები გთავაზობენ სხვადასხვა მეთოდებს:

• საბანკო გადარიცხვები
• საკრედიტო/სადებეტო ბარათებით გადახდა
• გადახდა ციფრული საფულეებით

იფიქრე იმაზე, თუ რომელი მეთოდი იქნება ყველაზე მოსახერხებელი თანხის მიმღებისთვის.

უსაფრთხოება და საიმედოობა

ფულის საერთაშორისო გადარიცხვისას უსაფრთხოება უმნიშვნელოვანესია. შეარჩიე კომპანია, რომელსაც მიღებული აქვს უსაფრთხოების მკაცრი ზომები, მაგალითად, დაშიფვრა და ორფაქტორიანი ავთენტიფიკაცია.

გადარიცხვის ლიმიტები

თითოეულ კომპანიას, ინდივიდუალურად, აქვს განსაზღვრული თანხის ლიმიტები გადარიცხული თანხის რაოდენობაზე. დარწმუნდი, რომ პროვაიდერს შეუძლია დააკმაყოფილოს თანხის გადარიცხვისთვის შენი მოთხოვნები. არ აქვს მნიშვნელობა, რეგულარულად აგზავნი მცირე თანხებს თუ იშვიათად - დიდ თანხებს.

აირჩიე ის ფინანსური ორგანიზაცია ფულადი გადარიცხვებისთვის, რომლის სერვისებიც შეესაბამება შენს ყველა საჭიროებას. დარწმუნდი, რომ  ფული დანიშნულების ადგილზე მიაღწევს უსაფრთხოდ, სწრაფად და რაც მთავარია, ხელმისაწვდომ ფასად.

ავტორი: R (რეკლამა),

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა