2024-07-29 10:16:08, 448 ნახვა
მსოფლიო
რუსეთის თავდაცვა - ღამით 39 დრონით 5 ოლქზე შეტევა იყო
რუსეთის ოლქებზე დრონებით შეტევა იყო. ამის შესახებ ინფორმაციას ქვეყნის თავდაცვის სამინისტრო Telegram-ზე ავრცელებს.
უწყების ცნობით, თავდასხმა კურსკის, ბელგოროდის, ვორონეჟის, ბრიანსკისა და ლენინგრადის ოლქებზე განხორციელდა.
მათივე ინფორმაციით, 5 ოლქში, ჯამში, 39 უკრაინული უპილოტო საფრენი აპარატი ჩამოაგდეს.
სამინისტროს მიერ გამოქვეყნებულ ინფორმაციაში საუბარი არ არის ორიოლის ოლქზე, თუმცა მისი გუბერნატორი ანდრეი კლიჩკოვი აცხადებს, რომ დრონების ჩამოგდება აღნიშნულ ოლქშიც მოხდა.
"გლაზუნოვსკის რაიონში მტრის 2 უპილოტო საფრენი აპარატი ჩამოაგდეს. დაშავებულები არ არიან, თუმცა, ადგილობრივ ელექტროსადგურზე არის დაზიანება",- ამბობს გუბერნატორი.
ავტორი: ექსპრესნიუსი,
epn.ge (@expressnews.ge)
