2024-07-28 17:10:03, 558 ნახვა
მსოფლიო
ნორვეგიის საგარეო საქმეთა სამინისტრო მოქალაქეებს ლიბანის დატოვებისკენ მოუწოდებს
ნორვეგიის საგარეო საქმეთა სამინისტრო მოუწოდებს თავის მოქალაქეებს, ლიბანი დატოვონ. ამის შესახებ ინფორმაციას უცხოური მედია ნორვეგიის საგარეო საქმეთა მინისტრის, ესპენ ბარტ ეიდემის განაცხადებაზე დაყრდნობით ავრცელებს.
მედიის ცნობით, სამინისტრომ უკვე გაუგზავნა შეტყობინება ლიბანში მყოფ ნორვეგიელებს, მალე დატოვონ ქვეყანა და ასევე ურჩევენ, თავი შეიკავონ ისრაელში წასვლისგან.
„ღრმად ვარ შეშფოთებული რეგიონში მოვლენების განვითარებით. კონფლიქტის ესკალაცია ისრაელსა და „ჰეზბოლას“ შორის შესაძლოა, კონფლიქტის გარდამტეხ ნაწილად იქცეს“, – განაცხადა ეიდემმა.
ავტორი: ექსპრესნიუსი,
epn.ge (@expressnews.ge)
