აზერბაიჯანის საგარეო საქმეთა სამინისტრო, ევროკავშირის საბჭოს გადაწყვეტილების გამო, ევროპის მშვიდობის ფონდიდან სომხეთის შეიარაღებული ძალებისთვის 10 მილიონი ევროს დახმარებასთან დაკავშირებით, შეშფოთებას გამოთქვამს. ამის შესახებ ინფორმაციას აზერბაიჯანული მედია AZERTAC-ი ავრცელებს.

მედიის ცნობით, აზერბაიჯანის საგარეო საქმეთა სამინისტროში ევროკავშირის საბჭოს ამ გადაწყვეტილებას “ძალიან არასწორ და საშიშ ნაბიჯად“ აფასებენ.

უწყებაში ასევე მიაჩნიათ, რომ "ეს გადაწყვეტილება რეგიონში დაძაბულობის ესკალაციას ემსახურება და მსგავსი ქმედებები აშკარად ცალმხრივი და მიკერძოებულია, რომელიც  რეგიონში “გამყოფი ხაზების“ შექმნის პოლიტიკის გამოვლინებას წარმოადგენს".

“აღნიშნული სამხედრო დახმარება და მომავალში ასეთი დახმარების გაზრდის მოწოდებები ემსახურება სომხეთის სამხედრო პოტენციალის გაძლიერებას, რომელიც არ იტყვის უარს ჩვენს ტერიტორიულ მთლიანობაზე თავდასხმაზე და არც რეგიონში დესტრუქციულ ქმედებებზე. ჩვენ კატეგორიულ პროტესტს გამოვხატავთ ევროკავშირის საბჭოს ამ გადაწყვეტილების მიმართ და ველით დახმარების შესახებ გამჭვირვალე ინფორმაციის მოწოდებას“,- განაცხადა უწყების პრესმდივანმა, აიხან ჰაჯიზადემ.

აზერბაიჯანში ამბობენ, რომ ევროკავშირმა უნდა შეწყვიტოს ისეთი ნაბიჯების გადადგმა, რომლებიც "რეგიონში მილიტარიზაციასა და შეიარაღებას ემსახურება და გაიგოს, რომ მშვიდობასა და თანამშრომლობას რეგიონში ალტერნატივა არ აქვს".

შეგახსენებთ, გუშინ, 22 ივლისს, ევროპის მშვიდობის ფონდმა მიიღო გადაწყვეტილება და სომხეთის შეიარაღებულ ძალებს 10 მილიონი ევროს ოდენობით დახმარებას გადასცემს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა