ლვოვში უცნობმა პირმა ესროლა პოლიტიკოსს, უმაღლესი რადას ყოფილ დეპუტატს და უკრაინული ენის პროფესორს ირინა ფარიონს. მკვლელობის მცდელობა მოხდა პარასკევს, დაახლოებით საღამოს რვის ნახევარზე, ქუჩაში იმ სახლის მახლობლად, სადაც ფარიონი ცხოვრობს. პოლიტიკოსი საავადმყოფოში გადაიყვანეს,  ექიმები მის მდგომარეობას მძიმედ აფასებენ.

ლვოვის საქალაქო საბჭოს დეპუტატმა იგორ ზინკევიჩმა და ჟურნალისტმა მარტა ოლიარნიკმა პირველებმა განაცხადეს მკვლელობის მცდელობის შესახებ.

ლვოვის პოლიციამ მომხდარი მსხვერპლის დასახელების გარეშე დაადასტურა. პოლიციის ინფორმაციით, მსროლელმა გაქცევა მოახერხა და მიმდინარეობს ძებნა.

უკრაინის პრეზიდენტმა ვლადიმერ ზელენსკიმ აღნიშნა, რომ დანაშაულის გარემოებების დადგენაში ჩართულია ეროვნული პოლიციისა და SBU-ს ყველა საჭირო ძალა

. „ექიმები იბრძვიან ირინა ფარიონის სიცოცხლისთვის. აშკარაა, რომ ნებისმიერი ძალადობა მხოლოდ დაგმობას იმსახურებს და თავდასხმაში მონაწილე ყველამ უნდა აიღოს სრული პასუხისმგებლობა“, - აღნიშნა ზელენსკიმ.

იგორ ზინკევიჩმა თქვა, რომ მოწმეებმა აღწერეს თავდამსხმელი: ეს იყო მამაკაცი, მას ხელთათმანები ეცვა, იარაღი იყო მაყუჩის გარეშე.

60 წლის ირინა ფარიონი უკრაინული ენის ფილოლოგი და ლინგვისტია, 2012-2014 წლებში იყო უკრაინის უმაღლესი რადას დეპუტატი, სრულიად უკრაინული ასოციაცია „სვობოდას“ წევრი. იგი ცნობილია თავისი მკაცრი პოზიციით უკრაინაში უკრაინული ენის უპირატესობასთან დაკავშირებით და მისი მოთხოვნებით, რომ მინიმუმამდე დაიყვანოს რუსულის გამოყენება უკრაინაში, როგორც „ოკუპანტების ენა“.
რუსეთში ფარიონის წინააღმდეგ 2015 წელს აღიძრა სისხლის სამართლის საქმე უკრაინაში რუსების წინააღმდეგ რეპრესიების მოწოდების გამო სიძულვილის წაქეზებისა და ადამიანის ღირსების დამცირების მუხლით. უკრაინაში ფარიონის წინააღმდეგ 2023 წელს აღიძრა სისხლის სამართლის საქმე მოქალაქეთა თანასწორობის დარღვევის, ეროვნების მიხედვით, პატივისა და ღირსების შეურაცხყოფისა და მიმოწერის საიდუმლოების დარღვევის მუხლით.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა