2024-07-11 14:07:46, 530 ნახვა
პოლიტიკა
ლექსმანი - საქართველოს ხელისუფლება ევროატლანტიკური ინტეგრაციისკენ ქვეყნის გზას ანადგურებს
ევროპარლამენტარი მირიამ ლექსმანი ნატოს ვაშინგტონის სამიტის დეკლარაციას გამოეხმაურა და განაცხადა, რომ "ხელისუფლება საქართველოს გზას ევროატლანტიკური ინტეგრაციისკენ ანადგურებს".
ლექსმანის განცხადებით, "ხელისუფლება მოსკოვის ბრძანებებს ასრულებს".
“2008 წელს, ჩვენ დავუშვით ისტორიული შეცდომა, რომელიც ჩვენმა მოწინააღმდეგეებმა გამოიყენეს. დღეს, საქართველოს ხელისუფლება მოსკოვის ბრძანებებს ასრულებს და ანადგურებს საქართველოს გზას ევროატლანტიკური ინტეგრაციისკენ. იმედი მაქვს, ქართველი ხალხი შეაბრუნებს ამ დესტრუქციულ ტენდენციებს", - ამის შესახებ ლექსმანმა X-ზე დაწერა.
შეგახსენებთ, ნატოს ვაშინგტონის სამიტის დეკლარაციაში რუსეთს მოუწოდებენ, მოლდოვიდან და საქართველოდან თავისი ძალები გაიყვანოს. დეკლარაციაში საქართველოს ჩრდილოატლანტიკურ ალიანსში გაწევრიანების საკითხზე არაფერია ნათქვამი.
ავტორი: ექსპრესნიუსი,
epn.ge (@expressnews.ge)
