ამერიკის შეერთებული შტატების სახელმწიფო მდივნის მოადგილე სამოქალაქო უსაფრთხოების, დემოკრატიისა და ადამიანის უფლებათა საკითხებში, უზრა ზეია საქართველოშია.

სახელმწიფო დეპარტამენტის ცნობით, ორდღიანი ოფიციალური ვიზიტის ფარგლებში, უზრა ზეია ხელისუფლების, ოპოზიციისა და არასამთავრობო სექტორის წამომადგენლებთან შეხვედრებს გამართავს.

“შეხვედრებზე საუბარი იქნება ანტიკორუფციულ სამუშაოებთან, მედიის თავისუფლებასთან, "უცხოური გავლენის“ კანონთან,  სხვა არალიბერალურ კანონმდებლობასთან და საქართველოს მთავრობის მავნე რიტორიკასთან დაკავშირებით.

ზეია ასევე ხაზს გაუსვამს აშშ-ის ურყევ მხარდაჭერას საქართველოს სუვერენიტეტისა და ტერიტორიული მთლიანობისადმი, ქართველი ხალხის ერთგულებას ევროატლანტიკური ინტეგრაციისადმი და საქართველოსთვის 32-წლიანი პარტნიორობის მხარდაჭერას.

გარდა ამისა, იგი ხაზს გაუსვამს თავისუფალი და სამართლიანი არჩევნებისა და ენერგიული სამოქალაქო საზოგადოების მნიშვნელობას, გააძლიერებს ფუნდამენტურ თავისუფლებებს, მარგინალიზებული ჯგუფების წევრების დაცვას და ყველა ქართველის ადამიანის უფლებებს.

მდივნის მოადგილე ზეია ასევე ეწვევა სათემო ორგანიზაციას, რომელიც დევნილი ქალების მიერ არის შექმნილი.

ვიზიტის ფარგლებში მდივნის მოადგილე, ერევანშიც ჩავა, სადაც ის მთავრობის მაღალჩინოსნებსა და სამოქალაქო საზოგადოების წარმომადგენლებს შეხვდება“,- აღნიშნულია დეპარტამენტის განცხადებაში.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია