2024-07-09 20:12:05, 601 ნახვა
მსოფლიო
შმიგალი - რობერტ ფიცომ დაგმო რუსეთის თავდასხმა - სლოვაკეთმა რამდენიმე ბავშვის სამკურნალოდ მიღების მზადყოფნა გამოთქვა
უკრაინის პრემიერ-მინისტრი დენის შმიგალი სლოვაკეთის პრემიერ რობერტ ფიცოს ესაუბრა. ამის შესახებ დენის შმიგალი სოციალურ ქსელ X-ზე წერს.
როგორც შმიგალმა აღნიშნა, რობერტ ფიცომ რუსეთის მხრიდან გუშინ განხორციელებული თავდასხმა დაგმო და რამდენიმე ბავშვის სამკურნალოდ მიღების მზადყოფნა გამოთქვა.
"ვესაუბრე სლოვაკეთის პრემიერ-მინისტრ რობერტ ფიცოს. მას ვუამბე რუსეთის თავდასხმის შესახებ, რომლის დროსაც ათობით ადამიანი დაიღუპა, ასევე, ოხმატდიტის ბავშვთა საავადმყოფოს განადგურების შესახებ. რობერტ ფიცომ თავდასხმა დაგმო. სლოვაკეთმა რამდენიმე ბავშვის სამკურნალოდ მიღების მზადყოფნა გამოთქვა. მადლობა ამ მხარდაჭერისთვის", - წერს შმიგალი.
ავტორი: ექსპრესნიუსი,
epn.ge (@expressnews.ge)
