მნიშვნელოვანია, მომავალ არჩევნებზე არც ერთი ოპოზიციური ხმა არ დაიკარგოს,- ამის შესახებ პარტია "ახალის" თანათავმჯდომარემ, ნიკა მელიამ საგანგებო ბრიფინგზე განაცხადა.

მელიას თქმით, პარტია "ახალი", "გირჩი მეტი თავისუფლება" და "დროა", როგორც ერთიანი საარჩევნო სუბიექტი, ქვეყნის უკეთესი მომავლისთვის იბრძოლებენ.

"ჩვენთვის მნიშვნელოვანი იყო, რომ ერთი მხრივ, ამომრჩეველს, ოპოზიციურად განწყობილს, ჰქონოდა მრავალფეროვანი არჩევანის გაკეთების საშუალება, მაგრამ კიდევ უფრო მნიშვნელოვანი იყო კონტექსტის გათვალისწინებით, რომ არც ერთი ოპოზიციური ხმა არ დაკარგულიყო.

ამ და სხვა მიზეზების გათვალისწინებით, მეც რა თქმა უნდა, მოხარული ვარ, მიუხედავად იმისა, რომ არ იყო ეს ადვილი პროცესი, რომ ჩვენ, პარტია "ახალი", "გირჩი/დროა" ვქმნით ერთიან საარჩევნო სუბიექტს და ვიბრძოლებთ ამ ქვეყნის უკეთესი მომავლისთვის. არა უბრალოდ ცვლილებას ცვლილებისთვის ვეძახით უკეთეს მომავალს, არამედ გვინდა, რომ ქვეყანა ერთხელ და სამუდამოდ გახდეს ქართველი ხალხის და ქართველი ხალხი იყოს ჩართული პოლიტიკურ-საზოგადოებრივ პროცესში. მათ ჰქონდეთ თანასაკუთრების განცდა ამ პროცესში, ჰქონდეთ თანამონაწილეობის განცდა და მე ვფიქრობ, ეს საარჩევნო სუბიექტი შესთავაზებს საზოგადოებას გულწრფელ არჩევანს", - აღნიშნა მელიამ.

საუბრისას მან  ყურადღება გაამახვილა საერთო გამოწვევაზეც და აღნიშნა, რომ საერთო გამოწვევა "რუსული, ოლიგარქიული რეჟიმია".

გამოსვლის დასასრულს კი, "ახალის“ თანათავმჯდომარემ პოლიტიკურ პარტიებს წარმატება უსურვა და ოპოზიციურ პარტიებთან თანამშრომლობა დააანონსა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია