2024-07-08 12:20:39, 536 ნახვა
პოლიტიკა
გავრცელებული ინფორმაციით, „ნაციონალური მოძრაობის“ სიის პირველი ნომერი გიორგი მარგველაშვილი იქნება - ექსპრეზიდენტი ინფორმაციას უარყოფს
მედიაში გავრცელებული ინფორმაციით, "ერთიანი ნაციონალური მოძრაობის" სიის პირველი ნომერი 2024 წლის საპარლამენტო არჩევნებზე, შესაძლოა, ყოფილი პრეზიდენტი გიორგი მარგველაშვილი იყოს.
ამავე ცნობებით, აღნიშნული შეთავაზება მარგველაშვილმა ექსპრეზიდენტ მიხეილ სააკაშვილისგან პირადად მიიღო.
მედიის ინფორმაციით, პარტია, ახალი კონფიგურაციის პირობებში, სახელწოდებას შეიცვლის და მას დიდი ალბათობით, "ერთიანობა" დაერქმევა.
ცნობისთვის, დღეს, 8 ივლისს 20:00 საათზე, "ერთიანი ნაციონალური მოძრაობა" პარტიის ყრილობას გამართავს.
შესწორება: აღსანიშნავია, რომ საქართველოს მეოთხე პრეზიდენტმა, გიორგი მარგველაშვილმა "ერთიანი ნაციონალური მოძრაობის" სიასთან დაკავშირებით გავრცელებული ინფორმაცია "ფორმულასთან" სატელეფონო საუბრისას უარყო.
ავტორი: ექსპრესნიუსი,
epn.ge (@expressnews.ge)
