რუსეთის პრეზიდენტი ვლადიმერ პუტინი სამხრეთ კორეას აფრთხილებს, რომ თუ სამხრეთ კორეა უკრაინას იარაღს მიაწვდის, ამით „დიდ შეცდომას“ დაუშვებს. ამის შესახებ ინფორმაციას BBC პუტინის მიერ ვიეტნამში გაკეთებულ განცხადებზე დაყრდნობით ავრცელებს.

როგორც პუტინმა განაცხადა, „თუ სეული კიევისთვის იარაღის მიწოდებას გადაწყვეტს, მოსკოვი მიიღებს ისეთ გადაწყვეტილებებს, რომლებიც სამხრეთ კორეის ამჟამინდელ ხელმძღვანელობას, სავარაუდოდ, არ ესიამოვნება“.

პუტინმა ასევე აღნიშნა, რომ თუ ამერიკის შეერთებული შტატები და მისი მოკავშირეები უკრაინისთვის იარაღის მიწოდებას გააგრძელებენ, რუსეთი ჩრდილოეთ კორეას შეაიარაღებს.

„ვინც უკრაინას ამ იარაღს აწვდის, თვლის, რომ ჩვენთან არ ომობენ. მე ვთქვი, მათ შორის, ფხენიანში, რომ ჩვენ ვიტოვებთ უფლებას, მივაწოდოთ იარაღი მსოფლიოს სხვადასხვა რეგიონებს", - განაცხადა პუტინმა.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა