2024-06-05 17:43:30, 510 ნახვა
მსოფლიო
მედია - ლიბანის საზღვართან დაძაბულობის ფონზე, ისრაელის ხელისუფლება რეზერვისტების რაოდენობას 50 000-ით ზრდის
ლიბანის საზღვართან დაძაბულობის ზრდის ფონზე, ისრაელის ხელისუფლება რეზერვისტების რაოდენობას 50 000-ით ზრდის. ამის შესახებ ინფორმაციას Times of Israel-ი ავრცელებს.
როგორც მედია წერს, ისრაელის თავდაცვის ძალები აქამდე უფლებამოსილი იყო, საჭიროების შემთხვევაში გამოეძახებინა 300 000 რეზერვისტი, ახლა კი 350 000 რეზერვისტის გამოძახება გახდება შესაძლებელი.
Times of Israel-ის ცნობით, გადაწყვეტილება ძალაში მიმდინარე წლის პირველ აგვისტომდე იქნება.
მანამდე, ისრაელის პრემიერ-მინისტრმა, ბენიამინ ნეთანიაჰუმ ლიბანის საზღვართან მდებარე ქალაქში ვიზიტისას განაცხადა, რომ ისრაელი „მომზადებულია უკიდურესად ძლიერი მოქმედებისთვის ჩრდილოეთში“.
ავტორი: ექსპრესნიუსი,
epn.ge (@expressnews.ge)
