მელია - ძალიან განსხვავებული ოპოზიციური ამომრჩევლებისთვის დატოვო ერთი არჩევანი, ხელისუფლების წისქვილზე დაასხამს წყალს [ვიდეო]

2024-06-03 15:54:52, 419 ნახვა

პოლიტიკა

პარტია "ახალის" პოზიცია ერთიან საარჩევნო სიასთან დაკავშირებით - შეიძლება, ასე ემოციურად, თეორიულად კარგად ჟღერდეს, მაგრამ ძალიან განსხვავებული ოპოზიციური ამომრჩევლებისთვის დატოვო ერთი არჩევანი, მე ვშიშობ, რომ ეს დაასხამს ხელისუფლების წისქვილზე წყალს,- ამის შესახებ "ახალის" ერთ-ერთმა ლიდერმა, ნიკა მელიამ განაცხადა.

როგორც მელიამ მედიის წარმომადგენლებთან საუბრისას აღნიშნა, მნიშვნელოვანია, რომ მოხდეს გამსხვილება და შეიქმნას რამდენიმე ოპოზიციური ცენტრი.

"აქვე ვამბობ, რომ მნივნელოვანზე მნიშვნელოვანია, რომ მოხდეს გამსხვილებები, შეიქმნას რამდენიმე პოლიტიკური ცენტრი, არ დაიკარგოს ოპოზიციური ხმა. რა სურს "ნაციონალურ მოძრაობას", რა სურთ მიხეილ სააკაშვილს, ვანო მერაბიშვილს, დათო კეზერაშვილს და ა.შ, ეს არის მათი ლეგიტიმური უფლება. მათ აქვთ თავიანთი მოსაზრება. დანარჩენ ოპოზიციურ პარტიებს, ან ნაწილობრივ ოპოზიციურ პარტიებს, ვინც დაეთანხმებიან მათ და იქნებიან თანამშრომლობაში საარჩევნოდ "ნაციონალურ მოძრაობასთან", ჩვენ მიგვაჩნია, რომ სხვაგვარი კონფიგურაციით უნდა წარვსდგეთ",- თქვა ნიკა მელიამ.