კამერონი - ვეტოს დაძლევითა და კანონის მიღებით ხელისუფლებამ ევროატლანტიკური გზიდან გადაუხვია

2024-05-30 15:27:23, 404 ნახვა

პოლიტიკა

დიდი ბრიტანეთის საგარეო საქმეთა მინისტრი დევიდ კამერონი საქართველოში „უცხოური გავლენის გამჭვირვალობის შესახებ“ კანონზე პარლამენტის მხრიდან ვეტოს დაძლევას და ამ კანონის მიღებას ეხმაურება.

როგორც კამერონი სოციალურ ქსელში წერს, ვეტოს დაძლევითა და კანონის მიღებით ხელისუფლებამ ევროატლანტიკური გზიდან გადაუხვია.

"საქართველოს მოსახლეობის სურვილი ნათელია: მათი მომავალი ევროატლანტიკურ ოჯახშია.

პრეზიდენტის, სალომე ზურაბიშვილის ვეტოს დაძლევით და "უცხოური გავლენის შესახებ გამჭვირვალობის" კანონის მიღებით, საქართველოს ხელისუფლებამ ამ გზიდან გადაუხვია.

დიდი ბრიტანეთი განაგრძობს ქართველი ხალხის გვერდში დგომას", - აღნიშნა კამერონმა.

შეგახსენებთ, 28 მაისს საქართველოს პარლამენტმა "უცხოური გავლენის გამჭვირვალობის შესახებ" კანონზე პრეზიდენტის ვეტო დაძლია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,