ბელორუსიის ავტორიტარულმა ლიდერმა ალექსანდრე ლუკაშენკომ „ბელორუსი ხალხის სახელით და პირადად მიულოცა ქართველ ხალხს ეროვნული დღესასწაული - დამოუკიდებლობის დღე“.

„ბელარუსისა და საქართველოს ხალხების იდენტური ღირებულებები, რომელიც დაფუძნებულია ისტორიულ ქრისტიანულ ტრადიციებზე, სამშობლოს ჭეშმარიტ სიყვარულზე და ჩვენს მიწაზე ცხოვრებისა და მოღვაწეობის ძლიერმა სურვილმა, უხსოვარი დროიდან გვაერთიანებს“, - ნათქვამია მილოცვაში.

ლუკაშენკომ გამოთქვა რწმენა, რომ ასეთი სულიერი სიახლოვე, გაგების გრძნობა, კეთილგანწყობა და გულწრფელობა თანამედროვე ურთიერთობებში დაეხმარება უახლოეს მომავალში აღდგეს ორ ქვეყანას შორის სრული ურთიერთქმედება ყველა სფეროში.

„დარწმუნებული ვარ, რომ სამოქალაქო საზოგადოების პოლიტიკური სიმწიფე, ცხოვრებისეული სიბრძნე და ქართველი ხალხის ურყევი ნება და რაც მთავარია, ჩვენს საერთო რეგიონში სტაბილურობის შენარჩუნების ინტერესი წარმატებით გადალახავს ყველა არსებულ წინააღმდეგობას“, - აღნიშნა მან.

ლუკაშენკომ ქართველ ხალხს მშვიდობა, გამძლეობა და „გამბედაობა უსურვა თავისი სახელმწიფოებრიობის გასაძლიერებლად“.

ავტორი: ექსპრესნიუსი,

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა