2024-05-20 16:25:23, 369 ნახვა
საზოგადოება
მერია - საბურთალოს გამგეობის ორგანიზებით დიდგორობის დღესასწაული აღინიშნა
საბურთალოს რაიონის გამგეობის ორგანიზებით, დიდგორობის დღესასწაული სპორტულ-კულტურული ღონისძიებებით აღინიშნა. ამის შესახებ ინფორმაციას თბილისის მერია ავრცელებს.
მერიის ცნობით, სოფელ დიდგორში ტრადიციულ დოღსა და თავისუფალ ჭიდაობაში შეჯიბრი გაიმართა.
„გამარჯვებულებს საბურთალოს გამგებელმა, გიზო ვასაძემ და რაიონის მაჟორიტარმა დეპუტატმა, ავთანდილ ცინცაძემ სხვადასხვა სახის პრიზები და საჩუქრები გადასცეს.
ღონისძიებაზე შესრულდა ქართული საბრძოლო ხელოვნების ერთ-ერთი სახეობა - ხრიდოლი. ასევე, გაიმართა კონცერტი, სადაც მსმენელის წინაშე ქართული ხალხური სიმღერების შემსრულებლები წარდგნენ“, - აღნიშნულია მერიის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
