ლატვიის, ლიეტუვის, ესტონეთისა და ისლანდიის საგარეო საქმეთა მინისტრები - ბაიბა ბრაჟე, გაბრიელიუს ლანდსბერგისი, მარგუს ცაჰკნა და თორდის კოლბრუნ რეიკფიორდ გილფადოტირი საქართველოში ჩამოვიდნენ.

ამის შესახებ ინფორმაციას ესტონეთის საგარეო უწყების ხელმძღვანელი სოციალურ ქსელში ავრცელებს.

"ჩვენ ჩამოვედით საქართველოში. რთულ დროს შეგიძლიათ, თქვენი მეგობრების იმედი გქონდეთ",- წერს ცაჰკნა და კოლეგებთან ერთად გადაღებულ ფოტოს აქვეყნებს.

საქართველოში ჩამოსვლის შესახებ წერს ლიეტუვის საგარეო საქმეთა მინისტრი გაბრიელიუს ლანდსბერგისიც.

"ჩამოვედით საქართველოში, სადაც მორიგი ბრძოლაა დემოკრატიისთვის, თავისუფლებისა და ევროპული მომავლისთვის",- წერს ლანდსბერგისი.

ოფოციალური ინფორმაციით, მინისტრები ერთობლივ შეხვედრებს გამართავენ საქართველოს პრეზიდენტ სალომე ზურაბიშვილთან, ასევე პარლამენტის თავმჯდომარე შალვა პაპუაშვილთან, საგარეო საქმეთა მინისტრ ილია დარჩიაშვილთან, პარლამენტის ოპოზიციური პარტიების წარმომადგენლებთან, მთავრობის წევრებსა და სამოქალაქო საზოგადოების ორგანიზაციებთან.

ავტორი: ექსპრესნიუსი,

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო