2024-04-30 21:42:05, 402 ნახვა
პოლიტიკა
პოლიცია აქციის მონაწილეების ნაწილს მთავრობის ადმინისტრაციასთან მისვლის საშუალებას არ აძლევს
"უცხოური გავლენის გამჭვირვალობის შესახებ" კანონპროექტის საწინააღმდეგო აქციის მონაწილეების ნაწილს, რომელმაც მსვლელობით მთავრობის ადმინისტრაციის მიმდებარე ტერიტორიისკენ გადაინაცვლა, პოლიციამ კანცელარიის ეზოში შესვლის საშუალება არ მისცა.
როგორც "ექსპრესნიუსის" კორესპონდენტი ადგილიდან იტყობინება, აქციის მონაწილეები სკანდირებენ - "მონებო!"
ამ დროისთვის დემონსტრანტების ნაწილი გზის სავალ ნაწილზე ზის და პროტესტს ამ ფორმით გამოხატავს.
ავტორი: ექსპრესნიუსი,
epn.ge (@expressnews.ge)
