„ვითხოვთ მოსამართლეთა დანიშვნასთან დაკავშირებით მორატორიუმი გამოცხადდეს, ვინაიდან პრეზიდენტს ერთ-ერთი მნიშვნელოვანი როლი აქვს სასამართლო კორპუსის ფორმირებაში“, - ამის შესახებ „სამართლიანი არჩევნების“ იურიდიულმა კონსულტანტმა ნინო ლომჯარიამ ჟურნალისტებს განუცხადა.

როგორც ლომჯარიამ აღნიშნა ამ საკითხთან მიმართებით საინტერესო იქნება პრეზიდენტის პოზიცია და დამოკიდებულება.

„დღევანდელი შეხვედრა პრეზიდენტის ადმინისტრაციის ინიციატივით იმართება. შესაბამისად ჩვენ მათ წარმომადგენლებთან ვისაუბრებთ ჩვენს ხედვაზე თუ რა ვითარებაა დღეს სასამართლოში. ვითხოვთ გამოცხადდეს მორატორიული მოსამართლეთა დანიშვნასთან დაკავშირებით, ვინაიდან პრეზიდენტს ერთ-ერთი მნიშვნელოვანი როლი აქვს სასამართლო კოპრპუსისის ფორმირებაში. საინტერესო იქნება მისი პოზიცია და დამოკიდებულება ამ საკითხთან მიმართებით“, - განაცხადა ნინო ლომჯარიამ.

რაც შეეხება დისციპლინარულ პასუხისმგებლობას, მან აღნიშნა, რომ უნდა წახალისდნენ ის მოსამართლეები, რომლებიც არ ერიდებიან და არ შედიან კლანურ გარიგებაში.

„ჩვენი ცალსახა პოზიცია არის ის, რომ სისტემაში დღეს პირიქით უნდა წახალისდნენ ის მოსამართლეები, რომლებიც არ ერიდებიან და არ შედიან კლანურ გარიგებაში, საჯაროდ და ღიად საუბრობენ პრობლემაზე. ნაცვლად იმისა, რომ უზენაესის სასამართლოს თავმჯდომარე და საბჭო იღებდეს დისციპლინარულ დევნას, ვფიქრობ რომ ისინი პირიქით უნდა სხდებოდნენ მაგიდასთან და უნდა საუბრობდნენ ამ პრობლემაზე“, - აღნიშნა ნინო ლომჯარიამ.

ჟურნალისტის კითხვაზე, ჰქონდა თუ არა დისციპლინარული გადაცდომა მამუკა ახვლედიანს, ლომჯარიამ განაცხადა: „არ ვფიქრობთ, რომ ადამიანი რომელიც საუბრობს სისტემურ პრობლემებზე და ასაჯაროვებს ამას ეს არის სასამართლო რეპუტაციის შელახვა. პირიქით, რაც ხდება საბჭოში და როგორც მოქმედებს ის ეს ლახავს სასამართლოს იმიჯს და რეპუტაციას“, - დასძინა ნინო ლომჯარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა