2024-04-22 21:54:08, 465 ნახვა

---

ზელენსკი - მივიღე დაპირება ჯო ბაიდენისგან, რომ უკრაინის თავდაცვითი დახმარება სწრაფი და მძლავრი იქნება

უკრაინის პრეზიდენტ ვოლოდიმირ ზელენსკისა და აშშ-ის პრეზიდენტ ჯო ბაიდენს შორის სატელეფონო საუბარი გაიმართა. ამის შესახებ ინფორმაცია უკრაინის პრეზიდენტი ვოლოდიმირ ზელენსკი "ტელეგრამ" არხზე ავრცელებს.

ზელენსკის თქმით, აშშ-ის პრეზიდენტმა განაცხადა, რომ სენატის მიერ უკრაინისთვის სამხედრო მხარდაჭერის დამტკიცების შემთხვევაში, ის დოკუმენტს დაუყოვნებლივ მოაწერს ხელს.

„მადლობას ვუხდი ჯო ბაიდენს უკრაინის მხარაჭერისთვის, რომელიც არ სუსტდება, ასევე მისი გლობალური ლიდერობისთვის. მე მივიღე დაპირება ჯო ბაიდენისგან, რომ უკრაინის თავდაცვითი დახმარება იქნება სწრაფი და მძლავრი და ის გააძლიერებს უკრაინის ანტისაჰაერო თავდაცვის საშუალებებს, შორ მანძილე მოქმედ შეიარაღებას და საარტილერიო შესაძლებლობებს“, - აღნიშნა უკრაინის პრეზიდენტი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი