საპარლამენტო უმრავლესობის ლიდერი მამუკა მდინარაძე "უცხოური გავლენის გამჭვირვალობის შესახებ" კანონპროექტთან დაკავშირებით "ერთიანი ნაციონალური მოძრაობის" წარმომადგენლის, ლევან ბეჟაშვილის განცხადებას ეხმაურება.

როგორც მდინარაძე სოციალურ ქსელში წერს, ოპონენტებს მოუწოდა, დაასახელონ აღნიშნულ კანონპროექტში რა არის რუსული, თუმცა " ერთი კვირაა, ერთი პუნქტიც ვერ დაასახელეს". 

“რა არის რუსული, რომელი პუნქტი ჩვენს კანონპროექტში მითხარით და კანონპროექტის გაწვევა კი არა, საერთოდ აღარ დავაყენებ არცერთ ინიციატივას. მეტი როგორ და რა გზით მოგიწოდოთ.

ერთი კვირაა ერთი პუნქტი ვერ დაასახელეს… რა კარგად გაუგიათ ამათ ჩემი განცხადება",- წერს მდინარაძე "ფეისბუქის" გვერდზე.

ცნობისთვის, მანამდე საპარლამენტო უმრავლესობის წევრმა, მამუკა მდინარაძემ "უცხოური გავლენის გამჭვირვალობის შესახებ" კანონპროექტზე საუბრისას თქვა, რომ "თუკი, ვინმე კანონპროექტში ერთ პუნქტს მაინც მონახავს, რომელიც არის ანალოგი რუსულის და სხვაგან, ევროპულში, ამერიკულში მსგავსი ჩანაწერი არ არის, ჩვენ შეგვიძლია ვილაპარაკოთ, რომ ხვალვე წავიღოთ ეს პროექტი უკან".

მდინარაძის აღნიშნულ განცხადებას გამოეხმაურა "ერთიანი ნაციონალური მოძრაობის" წარმომადგენელი ლევან ბეჟაშვილი და თქვა, რომ "მდინარაძის განცხადებაში ერთი მნიშვნელოვანი მომენტი დაფიქსირდა - ისინი მზად არიან, კანონპროექტი უკან გაიწვიონ - გუშინდელმა მრავალათასიანმა შეკრებამ აჩვენა, რომ ხალხი უკან არ დაიხევს".

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს