საქართველოს პრეზიდენტ სალომე ზურაბიშვილს, მიმდინარე წლის 10 აპრილიდან 12 აპრილის ჩათვლით ლიეტუვის რესპუბლიკაში სამუშაო ვიზიტზე, საქართველოს მთავრობამ უარი უთხრა. აღნიშნულის შესახებ ნათქვამია მთავრობის განკარგულებაში, რომელსაც პრემიერ-მინისტრი ირაკლი კობახიძე აწერს ხელს.

როგორც განკარგულებაშია აღნიშნული, საქართველოს პრეზიდენტს ვიზიტზე უარი საქართველოს კონსტიტუციის 52-ე მუხლის პირველი პუნქტის „ა“ ქვეპუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 74 მუხლის შესაბამისად ეთქვა.

„საქართველოს კონსტიტუციის 52-ე მუხლის პირველი პუნქტის „ა“ ქვეპუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 74 მუხლის შესაბამისად, საქართველოს პრეზიდენტს უარი ეთქვას 2024 წლის 10 აპრილიდან 12 აპრილის ჩათვლით ლიეტუვის რესპუბლიკაში, ქალაქ ვილნიუსში სამუშაო ვიზიტთან დაკავშირებულ 2024 წლის 27 მარტის № 2183 წერილით წარმოდგენილ წინადადებაზე“, - ნათქვამია საქართველოს მთავრობის განკარგულებაში.

ავტორი: ექსპრესნიუსი,

სოციალური ქსელები

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის

თამარ ლორთქიფანიძეს საპროცესო შეთანხმება გაუფორმდა

წარმატებული მოლაპარაკებები ბიზნესში - გაიარე სრულად დაფინანსებული ბიზნესკურსი

ზელენსკის თქმით, უკრაინამ მოსკოვის რეგიონში მდებარე დუბნას კოსმოსური კომუნიკაციების ცენტრს მეორედ დაარტყეს