2024-03-26 19:24:40, 631 ნახვა
მსოფლიო
ვოლოდიმირ ზელენსკიმ ალექსეი დანილოვი თანამდებობიდან გაათავისუფლა
უკრაინის პრეზიდენტმა, ვოლოდიმირ ზელენსკიმ ალექსეი დანილოვი თანამდებობიდან გაათავისუფლა. ამის შესახებ ინფორმაციას უკრაინული მედია ავრცელებს.
უკრაინის პრეზიდენტის შესაბამისი ბრძანებულება დღევანდელი დღით, 26 მარტით თარიღდება.
ალექსეი დანილოვს უკრაინის ეროვნული უსაფრთხოებისა და თავდაცვის საბჭოს მდივნის პოსტი ეკავა.
ვოლოდიმირ ზელენსკის კიდევ ერთი ბრძანებით, აღნიშნულ თანამდებობაზე საგარეო დაზვერვის სამსახურის ხელმძღვანელი ალექსანდრ ლიტვინენკო დაინიშნა.
ავტორი: ექსპრესნიუსი,
epn.ge (@expressnews.ge)
