2024-03-21 15:31:29, 509 ნახვა
მსოფლიო
IDF-ში აცხადებენ, რომ ალ-შიფას საავადმყოფოში 3 მლნ დოლარი იპოვეს - დაკავებულია 300-მდე პირი
ისრაელის თავდაცვის ძალებში (IDF) აცხადებენ, რომ ალ-შიფას საავადმყოფოში სამხედრო ოპერაციის დროს, 3 მილიონი დოლარის ოდენობის ფული იპოვეს. ამის შესახებ ინფორმაციას Times of Israel-ი ავრცელებს.
IDF-ს ცნობით, სამედიცინო ცენტრიდან, დაახლოებით, 3 700 პალესტინელი მშვიდობიანი მოქალაქის ევაკუაცია განხორციელდა, რომლებიც სამხრეთ ღაზაში გაემგზავრნენ, ხოლო 300-მდე ეჭვმიტანილი იქნა დაკავებული, მათ შორის "ჰამასის" და "ისლამური ჯიჰადის" მაღალი რანგის მეთაურები.
გარდა ამისა, ისრაელის თავდაცვის ძალების ჯარისკაცებმა საავადმყოფოს ტერიტორიაზე იარაღის დამატებითი საცავები და ტერორისტული ინფრასტრუქტურა აღმოაჩინეს.
ავტორი: ექსპრესნიუსი,
epn.ge (@expressnews.ge)
