2024-03-01 17:31:07, 934 ნახვა
მსოფლიო
ბერბოკი - ისრაელის არმიამ ღაზაში, ჰუმანიტარული დახმარების დარიგებისას მომხდარ შემთხვევაზე განმარტება უნდა გააკეთოს
გერმანიის საგარეო საქმეთა მინისტრი ანალენა ბერბოკი აცხადებს, რომ ისრაელის არმიამ განმარტება უნდა გააკეთოს ღაზას სექტორში, ჰუმანიტარული დახმარების დარიგებისას მომხდარ შემთხვევასთან დაკავშირებით. ამის შესახებ ანალენა ბერბოკი სოციალურ ქსელ X-ზე წერს.
როგორც ბერბოკი აღნიშნავს, მომხდარის გამო გაოგნებულია.
„ისრაელის არმიამ სრულად უნდა ახსნას, რატომ მოხდა მასიური პანიკა და სროლა“, - წერს ბერბოკი სოციალურ ქსელში.
ცნობისთვის, ღაზას სექტორში ჰუმანიტარული დახმარების დარიგებისას მომხდარი შემთხვევის დროს 104 ადამიანი დაიღუპა და 760-ზე მეტი დაშავდა.
ავტორი: ექსპრესნიუსი,
epn.ge (@expressnews.ge)
