დედაქალაქის მერმა, კახა კალაძემ მუნიციპალიტეტის მთავრობის სხდომაზე შინაური ბინადარი ცხოველების შესახებ საქართველოს პარლამენტში ინიციირებულ საკანონმდებლო პაკეტზე ისაუბრა. 

მისი თქმით, შემუშავებული ჰუმანური საკანონმდებლო დოკუმენტი ეფექტიანად აღმოფხვრის შინაური ცხოველების უკანონო გამრავლებისა და ქუჩაში გაგდების პრობლემებს.

„რამდენიმე დღეა აქტიურად განიხილება საქართველოს პარლამენტში ინიციირებული საკანონმდებლო პაკეტი ბინადარ ცხოველთა შესახებ. მუნიციპალიტეტებს, რასაკვირველია, პირდაპირ გვეხება ეს საკითხი, რადგან ამ მიმართულებით სერიოზული გამოწვევა გვაქვს. მოხარული ვარ, რომ შემუშავდა საკანონმდებლო დოკუმენტი, რომელიც საკმაოდ ჰუმანურია, ამავე დროს კი ეფექტიანად აღმოფხრის შინაური ცხოველების უკანონო გამრავლებისა და ქუჩაში გაგდების პრობლემებს, რაც სამწუხაროდ, ხშირია“, - განაცხადა კახა კალაძემ. 

მისივე თქმით, აღნიშნული პრობლემის გადაჭრა თითოეული მუნიციპალიტეტისგან კონკრეტულ ქმედებებს მოითხოვს.

„ხშირად გვითქვამს, რომ თუ საკანონმდებლო ცვლილებები არ განხორციელდება, აღნიშნული პრობლემის მოგვარება შეუძლებელი იქნება. ეს ერთდროულად უნდა გაკეთდეს მთელ ქვეყანაში. მუნიციპალიტეტებმა უნდა გადადგან კონკრეტული ნაბიჯები, რომ აღნიშნული პრობლემა მოგვარდეს“, - აღნიშნა კახა კალაძემ.

თბილისის მერის განმარტებით, აღნიშნული დოკუმენტის დისკრედიტაციის მიზნით, დეზინფორმაცია ვრცელდება. 

„ბოლო კვირის განმავლობაში გავრცელდა არაერთი დეზინფორმაცია და ტყუილი, რომლითაც ცდილობენ,  ჯერ კიდევ დაუმტკიცებელი დოკუმენტის დისკრედიტაციას. ასე ცდილობენ წლობით მოუგვარებელი საკითხი ისევ ხელუხლებელი დარჩეს“, - განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ