2024-02-10 12:12:19, 1016 ნახვა

---

სტოლტენბერგი - თუ პუტინი უკრაინაში გაიმარჯვებს, რუსული აგრესია შესაძლოა, სხვა ქვეყნებზეც გავრცელდეს

თუ პუტინი უკრაინაში გაიმარჯვებს, რუსული აგრესია შესაძლოა, სხვა ქვეყნებზეც გავრცელდეს, - ამის შესახებ ნატოს გენერალურმა მდივანმა, იენს სტოლტენბერგმა განაცხადა.

სტოლტენბერგის თქმით, ალიანსის წევრები კონფრონტაციისთვის აქტიურად უნდა მოემზადონ.

„თუ პუტინი უკრაინაში გაიმარჯვებს, არ არსებობს არანაირი გარანტია, რომ რუსეთის აგრესია სხვა ქვეყნებზე არ გავრცელდება. რუსული აგრესიის შესაჩერებლად, აუცილებელია უკრაინის მხარდაჭერა და ნატოს სამხედრო პოტენციალში ინვესტიციის ჩადება, რადგან რუსეთი უკვე ამზადებს საკუთარ ეკონომიკას ხანგრძლივი ომისთვის.

ჩვენ გვჭირდება სწრაფად აღვადგინოთ და გავაფართოოთ ჩვენი სამრეწველო ბაზა, რათა გავზარდოთ უკრაინაში მიწოდება და შევავსოთ ჩვენი საკუთარი რეზერვები. ეს ნიშნავს ნელი წარმოებიდან სწრაფ წარმოებაზე გადასვლას“, - განაცხადა სტოლტენბერგმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი