2024-02-09 23:57:04, 962 ნახვა
მსოფლიო
ბორელი - ცნობები რაფაჰზე ისრაელის შეტევის შესახებ შემაშფოთებელია
ცნობები რაფაჰზე ისრაელის შეტევის შესახებ შემაშფოთებელია, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი სოციალურ ქსელ X-ზე წერს.
როგორც ბორელი აღნიშნავს, რაფაჰში, წასასვლელი უსაფრთხო ადგილის გარეშე 1.4 მილიონი პალესტინელი იმყოფება.
"1.4 მილიონი პალესტინელი ამჟამად იმყოფება რაფაჰში, წასასვლელი უსაფრთხო ადგილის გარეშე, შიმშილის წინაშე. ცნობები რაფაჰზე ისრაელის შეტევის შესახებ შემაშფოთებელია. ამას კატასტროფული შედეგები მოჰყვება, რაც გააუარესებს ისედაც მძიმე ჰუმანიტარულ მდგომარეობას", - წერს ბორელი.
ავტორი: ექსპრესნიუსი,
epn.ge (@expressnews.ge)
