2024-02-08 12:13:37, 622 ნახვა

---

სამადაშვილი კობახიძეზე - ივანიშვილს მობეზრდა ერთი სათამაშო, გაფუჭებული მოისროლა და მეორეს დაარქვა ამ ქვეყნის პრემიერი

ბიძინა ივანიშვილს მობეზრდა ერთი სათამაშო, გაფუჭებული მოისროლა და მეორე სათამაშოს დაარქვა ამ ქვეყნის პრემიერ-მინისტრი. ოღონდ პრემიერი დაარქვა იმ კაცს, რომელმაც დაპატიჟა გავრილოვი, არაერთხელ მოატყუა ქართველი ხალხი და კაცი, რომელიც ჩვენი დასავლელი პარტნიორების მიმართ აგრესიით გამოირჩევა, - ამის შესახებ "ლელოს" დეპუატმა, სალომე სამადაშვილმა პრემიერ-მინისტრობის კანდიდატზე, ირაკლი კობახიძეზე საუბრისას განაცხადა.

სამადაშვილის თქმით, საქართველოს აღნიშნულ პოსტზე "მორიგი არაფრისმაქნისი და არანაირი ძალაუფლების მფლობელი ადამიანი ჰყავს".

"ბიძინა ივანიშვილს მობეზრდა ერთი სათამაშო, გაფუჭებული მოისროლა და მეორე სათამაშოს დაარქვა ამ ქვეყნის პრემიერ-მინისტრი. ოღონდ დაარქვა პრემიერი იმ კაცს, რომელმაც გავრილოვი დაპატიჟა, არაერთხელ მოატყუა ქართველი ხალხი, რომ თითქოს ვიღაც მეორე ფრონტის გახსნას გვთხოვდა იმისთვის, რომ მიგვეღო კანდიდატის სტატუსი და კაცი, რომელიც ჩვენი დასავლელი პარტნიორების მიმართ აგრესიით გამოირჩევა. მგონი, ამით ყველაფერი ნათქვამია, საქართველოს ჰყავს მორიგი არაფრისმაქნისი და არანაირი ძალაუფლების მფლობელი ადამიანი, რომელსაც ჰქვია პრემიერ-მინისტრი და ხელისუფლება ბიძინა ივანიშვილის ხელში რჩება", - განაცხადა სამადაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი