2024-02-06 19:42:49, 839 ნახვა
მსოფლიო
თურქეთის საგარეო მინისტრი - ერდოღანისა და პუტინის საუბრის მთავარი თემა უკრაინა და „მარცვლეულის შეთანხმება“ იქნება
რეჯეფ თაიფ ერდოღანისა და ვლადიმერ პუტინის საუბრის მთავარი თემა უკრაინა და „მარცვლეულის შეთანხმება“ იქნება, - ამის შესახებ თურქეთის საგარეო საქმეთა მინისტრმა, ჰაკან ფიდანმა განაცხადა.
როგორც ფიდანი აღნიშნავს, ანკარას რეგულარული დიალოგი აქვს მოსკოვთან სხვადასხვა საკითხებზე, როგორიცაა, მაგალითად ენერგეტიკა, რეგიონული კონფლიქტები სირიაში, ლიბიასა და სამხრეთ კავკასიაში.
„ჩვენ ყოველთვის გვერდში ვედექით უკრაინას ტერიტორიული მთლიანობის საკითხში და გავაგრძელებთ ამას, მაგრამ ომის დესტრუქციული გავლენაც როგორმე უნდა დასრულდეს“, - განაცხადა ჰაკან ფიდანმა.
ავტორი: ექსპრესნიუსი,
epn.ge (@expressnews.ge)
