2024-01-31 14:30:35, 718 ნახვა
მსოფლიო
ვიქტორია ნულანდი კიევში ჩავიდა
ამერიკის შეერთებული შტატების სახელმწიფო მდივნის მოადგილე პოლიტიკურ საკითხებში, ვიქტორია ნულანდი კიევში ჩავიდა. აღნიშნულის შესახებ უკრაინაში აშშ-ის ელჩი ბრიჯიტ ბრინკი X-ზე (ყოფილ Twitter-ზე) წერს.
ბრინკის ცნობით, ვიზიტის ფარგლებში ნულანდი მთავრობის ლიდერებს, ვეტერანებსა და სამოქალაქო საზოგადოებას შეხვდება.
"დღეს ჩვენ შევხვდებით მთავრობის ლიდერებს, ვეტერანებს და სამოქალაქო საზოგადოებას, რათა ხაზი გავუსვათ ჩვენს საერთო ვალდებულებას უკრაინაში რუსული აგრესიის დამარცხებისადმი", - წერს ბრინკი.
ცნობისთვის, მანამდე ამერიკის შეერთებული შტატების სახელმწიფო მდივნის მოადგილე პოლიტიკურ საკითხებში, ვიქტორია ნულანდი კიევს ორდღიანი ვიზიტით 2022 წლის, დეკემბერში ეწვია.
ავტორი: ექსპრესნიუსი,
epn.ge (@expressnews.ge)
