გერმანიის პარლამენტმა მიიღო კანონპროექტი, რომელიც მიზნად ისახავს იმ ადამიანების უფრო მარტივ და სწრაფ დეპორტაციას, რომელთაც თავშესაფრის მიღებაზე უარი ეთქვათ. აღნიშნულის შესახებ ინფორმაციას Deutsche Welle ავრცელებს.

Deutsche Welle-ს ცნობით, აღნიშნული კანონით გერმანიის კანცლერის, ოლაფ შოლცის კოალიციური მთავრობა არალეგალურ მიგრაციასა და მასთან დაკავშირებულ საკითხებთან გამკლავებას ცდილობს.

გამოცემის ცნობითვე, კანონპროექტის მიხედვით, დეპორტაციამდე დაკავების კანონიერი მაქსიმალური ვადა 10 დღიდან 28 დღემდე გახანგრძლივდა. რაც იმას ნიშნავს, რომ ხელისუფლებას ახლა აქვს მეტი უფლებამოსილება, რომ ჩხრეკა ჩაატაროს.

გარდა ამისა, კანონპროექტის მიხედვით, პოლიციას მიენიჭა უფლება, დეპორტაციას დაქვემდებარებული უცხოელები არა მხოლოდ ლტოლვილთა საერთო საცხოვრებლების იმ შენობებში ეძებოს, სადაც ისინი ცხოვრობენ, არამედ სხვაგანაც. ეს ქმედებები ღამის საათებშიც დაიშვება, თავად დეპორტაციის შესახებ კი წინასწარ გაფრთხილება აღარ მოხდება. გამონაკლისი გათვალისწინებულია მხოლოდ 12 წლამდე ბავშვების მქონე ოჯახებისთვის.

გერმანიის შინაგან საქმეთა მინისტრის, ნენსი ფეზერის განცხადებით, კანონპროექტი ხელისუფლებას ორგანიზებული დანაშაულის, კერძოდ, ადამიანებით ვაჭრობის წინააღმდეგ ბრძოლაში დაეხმარება.

„ჩვენ უზრუნველვყოფთ, რომ დარჩენის უფლების არმქონე ადამიანებს უფრო სწრაფად მოუხდეთ ჩვენი ქვეყნის დატოვება“, - განაცხადა ფეზერმა.

აღსანიშნავია ისიც, რომ ახალი კანონი თავშესაფრის მაძიებლებს საშუალებას მისცემს, გერმანიაში ქვეყანაში ჩასვლიდან 6 თვის შემდეგ დასაქმდნენ.

შეგახსენებთ, რომ მანამდე გერმანია საქართველოსთან, მოლდოვასთან, კენიასთან, კოლუმბიასთან, უზბეკეთსა და ყირგიზეთთან არალეგალი მიგრანტების სწრაფ დეპორტაციაზე მოლაპარაკებებს აწარმოებდა.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს