2024-01-12 21:47:58, 1427 ნახვა

---

სუნაკი - პუტინმა შეიძლება იფიქროს, რომ უფრო მეტხანს გაგვიძლებს, მაგრამ ის ცდება - უკრაინა მარტო არასოდეს იქნება

პუტინმა შეიძლება იფიქროს, რომ უფრო მეტხანს გაგვიძლებს, მაგრამ ის ცდება, უკრაინა არასოდეს იქნება მარტო, - ამის შესახებ დიდი ბრიტანეთის პრემიერ-მინისტრმა, რიში სუნაკმა კიევში, ვოლოდიმრი ზელენსკისთან გამართულ ერთობლივ ბრიფინგზე განაცხადა.

როგორც სუნაკი აღნიშნავს, გაერთიანებული სამეფო და თავისუფალი სამყარო უკრაინის გვერდით დგომას გააგრძელებს.

"თქვენი თავისუფლების სურვილმა შთააგონა და შეეხო ბრიტანელ ხალხს. ხოლო ჩვენი, მსოფლიოს თავისუფალი სახელმწიფოებისთვის, უკრაინის დახმარება არის ინვესტიცია ჩვენს კოლექტიურ უსაფრთხოებაში. თუ პუტინი გაიმარჯვებს უკრაინაში, ის აქ არ გაჩერდება... სწორედ ამის გამო გაერთიანებული სამეფო და თავისუფალი სამყარო გააგრძელებს უკრაინის გვერდით დგომას, როგორც ამას ვაკეთებდით ამ ომის დაწყების დღიდან“, - განაცხადა სუნაკმა.

ცნობისთვის, დიდი ბრიტანეთის პრემიერ-მინისტრი რიში სუნაკი კიევში დღეს ჩავიდა.

დღესვე, უკრაინამ და დიდმა ბრიტანეთმა უსაფრთხოების სფეროში თანამშრომლობის შეთანხმებას ხელი მოაწერეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი