2024-01-12 14:03:03, 908 ნახვა
საზოგადოება
ახალციხის მუნიციპალიტეტში ავტოსაგზაო შემთხვევას ერთი ადამიანი ემსხვერპლა
ახალციხის მუნიციპალიტეტის სოფელ მუგარეთთან ავტოსაგზაო შემთხვევას ერთი ადამიანი ემსხვერპლა. აღნიშნულის შესახებ ინფორმაციას ადგილობრივი მედია "სამხრეთის კარიბჭე" ავრცელებს.
მედიის ცნობით, ერთმანეთს ტრაილერი და მსუბუქი ავტომობილი შეეჯახა. მომხდარის შედეგად, მსუბუქი ავტომობილის მძღოლი, 32 წლის ქალი ადგილზე გარდაიცვალა.
მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ექსპრესნიუსი,
epn.ge (@expressnews.ge)
