2024-01-09 09:03:57, 1126 ნახვა
სამართალი
შსს - პოლიციამ დააკავა პირი, რომელმაც მარნეულის მუნიციპალიტეტში ძაღლზე იძალადა
პოლიციამ დააკავა პირი, რომელმაც მარნეულის მუნიციპალიტეტში ძაღლზე იძალადა. ამის შესახებ ინფორმაცია შინაგან საქმეთა სამინისტროს საზოგადოებასთან ურთიერთობის სამსახურის უფროსმა გაავრცელა.
როგორც "ექსპრესნიუსს" უწყებაში განუცხადეს, მომხდართან დაკავშირებით გამოძიება საქართველოს სისხლის სამართლის კოდექსის 259-ე მუხლით დაიწყო, რაც ცხოველის წამებას ან სასტიკ მოპყრობას გულისხმობს.
ძაღლზე ძალადობის ამსახველი ვიდეოკადრები სოციალურ ქსელში გავრცელდა. კადრებში ჩანს, რომ მამაკაცი ცხოველს ჯოხით სასტიკად სცემს.
არსებული ინფორმაციით, ძაღლი მოკვდა.
შემთხვევა მარნეულის მუნიციპალიტეტის სოფელ გაჩაღანში მოხდა.
ავტორი: ექსპრესნიუსი,
epn.ge (@expressnews.ge)
