2024-01-03 11:32:33, 939 ნახვა

---

საფრანგეთის საგარეო - რუსეთი განაგრძობს ტერორის სტრატეგიას - საფრანგეთი სარაკეტო დარტყმების მასიურ ტალღას მკაცრად გმობს

საფრანგეთი მკაცრად გმობს უკრაინის წინააღმდეგ რუსეთის სარაკეტო დარტყმების მასიურ ტალღას, - ამის შესახებ საფრანგეთის საგარეო საქმეთა სამინისტროს განცხადებაშია ნათქვამი.

საგარეო უწყების ცნობით, საფრანგეთი გააგრძელებს მჭიდრო თანამშრომლობას თავის პარტნიორებთან უკრაინის მედეგობის გასაძლიერებლად და უკრაინის ლეგიტიმური თავდაცვის უზრუნველსაყოფად.

"რუსეთი განაგრძობს ტერორის სტრატეგიას, რომელიც მიზნად ისახავს უკრაინის სამოქალაქო ინფრასტრუქტურის განადგურებას, რათა შეასუსტოს უკრაინელი ხალხის მედეგობა კონფლიქტის მეორე ზამთრის პერიოდში", - განაცხადეს საფრანგეთის საგარეო უწყებაში.

ცნობისთვის, 2 იანვარს უკრაინაზე რუსეთის მასიურ სარაკეტო თავდასხმას, სულ მცირე, 5 ადამიანი ემსხვერპლა, ხოლო 119 - დაშავდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი