2023-12-28 16:16:05, 869 ნახვა
საზოგადოება
რუსთაველის გამზირზე, აზარიანცის სახლიდან შუშა ჩამოვარდა - დაშავდა ერთი ადამიანი
თბილისში, რუსთაველის გამზირზე მდებარე მელიქ აზარიანცის სახლიდან შუშა ჩამოვარდა, რომელიც კონტროლიორს დაეცა.
აღნიშნულის შესახებ ინფორმაციასა და ფაქტის ამსახველ ვიდეოკადრებს "ჩემი ქალაქი მკლავს" ავრცელებს.
მათი ცნობით, კონტროლიორმა დაზიანება თავის არეში მიიღო.
შეგახსენებთ, დედაქალაქის სხვადასხვა რაიონში ძლიერმა ქარმა გარკვეული პრობლემები შექმნა.
თბილისის მერიის ინფორმაციით, რამდენიმე მისამართზე წაქცეულია ხეები, დამტვრეულია ხის ტოტები, დაზიანებულია ქალაქში არსებული სხვადასხვა ინფრასტრუქტურა და საახალწლო მორთულობები. დაზიანდა ავტომობილებიც.
ავტორი: ექსპრესნიუსი,
epn.ge (@expressnews.ge)
