უკრაინამ, 11 დეკემბრის ღამეს, რუსეთის მიერ გაშვებული 18 დრონი და 8 ბალისტიკური რაკეტა გაანადგურა. აღნიშნულის შესახებ ინფორმაციას უკრაინის შეიარაღებული ძალების საჰაერო ძალები Telegram-ზე ავრცელებს.

საჰაერო ძალების ცნობით, უპილოტო საფრენი აპარატებისა და ბალისტიკური რაკეტების გაშვება ყირიმიდან და ბრიანსკის ოლქიდან დაფიქსირდა.

"2023 წლის 11 დეკემბრის ღამეს ოკუპანტებმა უკრაინას ოკუპირებული ყირიმიდან Shahed-ის ტიპის დრონებით შეუტიეს. სულ დაფიქსირდა 18 Shahed-136/131-ის ტიპის უპილოტო საფრენი აპარატის გაშვება. ყველა მტრის დრონი განადგურდა საჰაერო თავდაცვითი სამხრეთ საჰაერო სარდლობის პასუხისმგებლობის ზონაში. თავდასხმის მოგერიებაში მონაწილეობდნენ საბრძოლო თვითმფრინავები, საზენიტო-სარაკეტო დანაყოფები და უკრაინის თავდაცვის ძალების მობილური სახანძრო ჯგუფები.

2023 წლის 11 დეკემბერს დილის 4 საათზე რუსმა დამპყრობლებმა 8 ბალისტიკური რაკეტით დაარტყეს კიევის რეგიონს. დარტყმა ჩრდილოეთის მიმართულებით, ბრიანსკის ოლქიდან იქნა მიყენებული. რვავე სამიზნე განადგურებულია", - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს