2023-12-10 18:05:07, 1006 ნახვა
მსოფლიო
ნეთანიაჰუმ პუტინთან სატელეფონო საუბრისას, ღაზას კონფლიქტზე რუსეთის პოზიციის გამო, უკმაყოფილება გამოთქვა
ისრაელის პრემიერ-მინისტრ ბენიამინ ნეთანიაჰუსა და რუსეთის პრეზიდენტ ვლადიმერ პუტინს შორის სატელეფონო საუბარი გაიმართა.
ისრაელის პრემიერის ოფისის მიერ გავრცელებული ინფორმაციის თანახმად, ნეთანიაჰუმ პუტინთან საუბრისას, ღაზას სექტორში კონფლიქტთან დაკავშირებით რუსეთის პოზიციის გამო, უკმაყოფილება გამოთქვა.
პრემიერ-მინისტრმა პრეზიდენტი ირანთან "სახიფათო თანამშრომლობის" გამოც გააკრიტიკა.
"როგორც გერმანია გაიწმინდა ნაცისტებისგან, არც ერთი ნაცისტი არ არის ოფიციალურ ოფისებში - იგივე იქნება"ჰამასის" შემთხვევაში",- თქვა ნეთანიაჰუმ სატელეფონო საუბრისას.
მანვე, რუსეთის მოქალაქეობის მქონე ისრაელელის ტყვეობიდან გათავისუფლებისთვის, ვლადიმერ პუტინს მადლობა გადაუხადა.
ავტორი: ექსპრესნიუსი,
epn.ge (@expressnews.ge)
