2023-12-07 13:48:33, 775 ნახვა
მსოფლიო
მედია - რუსეთში, ბრიანსკში 14 წლის გოგონამ თანაკლასელებს ცეცხლი გაუხსნა - არიან დაღუპულები
რუსეთში, ბრიანსკის ოლქის გიმზანიაში 14 წლის გოგონამ თანაკლასელებს ცეცხლსასროლი იარაღიდან ცეცხლი გაუხსნა. ამის შესახებ ინფორმაციას რუსული მედია საგამოძიებო კომიტეტზე დაყრდნობით ავრცელებს.
როგორც მედია ქვეყნის ჯანდაცვის მინისტრის მოადგილეზე, ალექსეი კუზნეცოვზე დაყრდნობით იუწყება, შემთხვევას 2 ადამიანის სიცოცხლე ემსხვერპლა, 5 პირი კი დაშავებულია.
"ბრაიანსკში მომხდარი ინციდენტის შედეგად 2 მოზარდი დაიღუპა და 5 მოზარდი დაშავდა. ყველა მათგანი საშუალო სიმძიმისაა და საავადმყოფოში გადაიყვანეს. მათ ყველა საჭირო სამედიცინო დახმარება უტარდებათ",- თქვა მინისტრის მოადგილემ.
მომხდართან დაკავშირებით დაწყებულია გამოძიება. მოწმის სტატუსით გოგონას მამის დაკითხვა მიმდინარეობს.
ავტორი: ექსპრესნიუსი,
epn.ge (@expressnews.ge)
