უკრაინის პრეზიდენტი ვოლოდიმირ ზელენსკი ზოგიერთ სამხედრო მეთაურს უკრაინის შეიარაღებული ძალების მთავარსარდლის, ვალერი ზალუჟნის გვერდის ავლით ეკონტაქტება,- ამის შესახებ ნათქვამია "უკრაინსკაია პრავდას" მიერ გამოქვეყნებულ სტატიაში, სახელწოდებით "ომი პოლიტიკის წინააღმდეგ. რა ხდება სინამდვილეში ზელენსკისა და ზალუჟნის შორის".

როგორც უკრაინულ გამოცემას ანონიმურმა წყარომ განუცხადა, პრეზიდენტის ასეთი ქმედებები ხელს უშლის მთავარსარდალს, მართოს არმია.

"ხანდახან შთაბეჭდილება იქმნება, რომ ზელენსკის ჰყავს ორი ტიპის შეიარაღებული ძალები: "კარგი", რომელსაც მეთაურობს აღმოსავლეთის დაჯგუფების მეთაური ალექსანდრ სირსკი და სხვა ფავორიტები, "ცუდი", რომელიც ემორჩილება ზალუჟნის. ეს ახდენს სამხედროების დემოტივაციას და რაც მთავარია, ხელს უშლის მთელი არმიის მართვას",- ამბობს ანონიმური რესპონდენტი. 

წყარო ხაზს უსვამს, რომ ასეთი კონტაქტები აჩქარებს ზელენსკის მუშაობის ტემპს, მაგრამ ართულებს ზალუჟნის სამუშაოს, რადგან მთავარსარდალი ხშირად ინფორმაციას ფორმალურად დაქვემდებარებული პირებისგან იღებს.

ცნობისთვის, ბოლო პერიოდში, უკრაინის პრეზიდენტს, ვოლოდიმირ ზელენსკისა და შეიარაღებული ძალების მეთაურს, ვალერი ზალუჟნის შორის არსებულ კონფლიქტზე როგორც უკრაინული, ისე საერთაშორისო მედია აქტიურად წერს.

ავტორი: ექსპრესნიუსი,

სოციალური ქსელები

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა