ყველა შესაძლო სცენარს ვაანალიზებთ და 2024 წელი ჩვენი, უკრაინული სცენარი უნდა იყოს, - ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, იქნება კონკრეტული ოპერაციები ძალიან კონკრეტული დასაბუთებით, რომელიც ასევე მისცემს უკრაინას ძალიან კონკრეტულ შედეგებს.

„ჩვენ ვამზადებთ განახლებულ მოთხოვნებს პარტნიორებთან კომუნიკაციისთვის. წინ ნაყოფიერი საუბრების კვირა გველოდება. უკრაინის საგარეო დაზვერვის სამსახურის უფროსმა შტაბის სხდომაზე რუსეთის შესაძლო ქმედებებისა და მომავალი წლის საერთაშორისო მდგომარეობის შესახებ ანგარიში წარადგინა. ვაანალიზებთ ყველა შესაძლო სცენარს 2024 წლისთვის. უკრაინაში ყველა ხვდება, რომ ცვლილებები საჭიროა. ეს არ ეხება მხოლოდ მათ, ვისი მობილიზებაც შესაძლებელია. საქმე ეხება პირობებს ყველასთვის, ვინც ამჟამად ჯარში იმყოფება და მათთვის, ვინც ჯარში წავა. ეს არის ყოვლისმომცველი რამ, რაც სამხედრო ხელმძღვანელობამ და თავდაცვის სამინისტრომ უნდა შეიმუშაოს და წარუდგინოს პერსონალს. ველოდები ინტეგრირებულ გადაწყვეტილებებს“, - განაცხადა ზელენსკიმ.

ავტორი: ექსპრესნიუსი,

სოციალური ქსელები

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე

ვაშაძე კალაძეს - შენთვის არის წარმოუდგენელი ქუჩაში დაცვის გარეშე გასვლა

სუს-ი ირწმუნება, რომ 4 ოქტომბერს საქართველოს და მის ფარგლებს გარეთ მოქმედ პირთა ჯგუფი გეგმავდა სამოქალაქო არეულობის პროვოცირებას

პოლიციამ, მარნეულში ცრუ ჩვენების მიცემისა და ჯგუფურად ჩადენილი ხულიგნობის ბრალდებით 11 პირი დააკავა