2023-12-01 18:24:50, 697 ნახვა
მსოფლიო
კატარის საგარეო - ღაზას სექტორის დაბომბვის გაგრძელება შუამავლობის ძალისხმევას ართულებს
ღაზას სექტორის დაბომბვის გაგრძელება შუამავლობის ძალისხმევას ართულებს. ამის შესახებ განცხადებას კატარის საგარეო საქმეთა სამინისტრო ავრცელებს.
კატარის საგარეო საქმეთა სამინისტროს ინფორმაციით, ორ მხარეს შორის მოლაპარაკებები გრძელდება, რომლის მიზანი პაუზის დაბრუნებაა.
„კატარი წუხილს გამოთქვამს ღაზას სექტორის წინააღმდეგ ჰუმანიტარული პაუზის შემდეგ ისრაელის აგრესიის განახლებასთან დაკავშირებით. საგარეო საქმეთა სამინისტრო ადასტურებს, რომ ორ მხარეს შორის მოლაპარაკებები გრძელდება, რომლის მიზანი პაუზის დაბრუნებაა“, - ნათქვამია კატარის საგარეო საქმეთა სამინისტროს განცხადებაში.
ავტორი: ექსპრესნიუსი,
epn.ge (@expressnews.ge)
