2023-11-25 18:41:55, 1002 ნახვა

---

„დავასრულოთ ბავშვთა ქორწინება“ - პარლამენტთან ბავშვთა ქორწინების აკრძალვის მოთხოვნით აქცია მიმდინარეობს

"დავასრულოთ ბავშვთა ქორწინება" - ამ სახელწოდებით პარლამენტთან  "ქალთა მოძრაობა", "საფარი" და აზერბაიჯანული თემის აქტივისტები ბავშვთა ქორწინების აკრძალვის მოთხოვნით აქციას მართავენ.

როგორც "საფარის" დირექტორი, ბაია პატარაია აღნიშნავს, ადრეულ ასაკში ქორწინება გახშირებულია და მას ხელისუფლება ვერ უმკლავდება.

"კანონმდებლობითაც ბავშვთა ქორწინება არ იკრძალება. მართალია, საქორწინო ასაკი 18 წელია, მაგრამ თუ 18 წლამდე ეს ხორციელდება, მაშინ ის დასჯადი არ არის.

ჩვენ გვინდა, რომ ჩვენი კანონმდებლობით და რაც მთავარია პრაქტიკითაც, ბავშვების ნიშნობა და ბავშვების ქორწინება ჩაითვალოს ბავშვზე ძალადობის ერთ-ერთ ფორმად და უფრო მეტი მექანიზმი ჰქონდეს პოლიციას, რომ ჩაერთოს და თავიდან აიცილოს, პრევენცია მოახდინოს ადრეული ქორწინებების", - განაცხადა ბაია პატარაიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი