2023-11-12 15:07:25, 716 ნახვა
მსოფლიო
ნეთანიაჰუ - ღაზაში ცეცხლის შეწყვეტა შესაძლებელი იქნება მხოლოდ იმ შემთხვევაში, თუ მძევლებს გაათავისუფლებენ
ღაზას სექტორში ცეცხლის შეწყვეტა შესაძლებელი იქნება მხოლოდ იმ შემთხვევაში, თუ "ჰამასი" მძევლებს გაათავისუფლებს,- ამის შესახებ ისრაელის პრემიერ-მინისტრმა, ბენიამინ ნეთანიაჰუმ სატელევიზიო მიმართვისას განაცხადა.
ნეთანიაჰუს თქმით, მანამდე, ისრაელის ბრძოლა ღაზაში "ჰამასის" დასამარცხებლად, "სრული ძალით" გაგრძელდება.
„ომი [ჰამასის] წინააღმდეგ მთელი ძალით მიიწევს წინ და მას ერთი მიზანი აქვს, გამარჯვება. გამარჯვების ალტერნატივა არ არსებობს",- ამბობს ისრაელის პრემიერ-მინისტრი.
ცნობისთვის, ამ დროისთვის არსებული მონაცემების მიხედვით, ღაზას სექტორში 239 მძევალი იმყოფება.
ავტორი: ექსპრესნიუსი,
epn.ge (@expressnews.ge)
