2023-11-07 22:51:14, 816 ნახვა
მსოფლიო
მედია - ევროკავშირი საარჩევნო პროცედურაში უცხოური ჩარევის წინააღმდეგ ზომების მიღებას აპირებს
ევროკავშირი საარჩევნო პროცედურაში უცხოური ჩარევის წინააღმდეგ ზომების მიღებას აპირებს. ამის შესახებ ინფორმაციას გამოცემა Deutsche Welle ავრცელებს.
როგორც გამოცემა წერს, ევროპარლამენტი და ევროკავშირის წევრი ქვეყნები პოლიტიკური რეკლამის შესახებ კანონპროექტის ძირითად დებულებებზე შეთანხმდნენ.
ევროკავშირის გარეთ სუბიექტებს აეკრძალებათ ევროპაში პოლიტიკური რეკლამის დაფინანსება არჩევნებამდე ან რეფერენდუმამდე სამი თვით ადრე.
"ახალმა წესებმა უნდა გაურთულოს მესამე ქვეყნებს ევროპაში ყალბი ინფორმაციის გავრცელება და დემოკრატიულ პროცესებში ჩარევა", - განაცხადა ევროპარლამენტის მომხსენებელმა სანდრო გოსმა.
ავტორი: ექსპრესნიუსი,
epn.ge (@expressnews.ge)
