2023-11-04 16:01:22, 1013 ნახვა
სამართალი
„ავერსის“ კლინიკიდან პატიმრების გაქცევის საქმეზე შეუტყობინებლობის ბრალდებით 1 პირი დააკავეს
„ავერსის“ კლინიკიდან 3 პატიმრის გაქცევის საქმეზე შეუტყობინებლობის ბრალდებით ერთი პირი დააკავეს. აღნიშნულის შესახებ ინფორმაცია „ექსპრესნიუსს“ იუსტიციის სამინისტროში დაუდასტურეს.
ამ ეტაპზე, დამატებითი დეტალები უცნობია.
შეგახსენებთ, რომ დღეს, 4 ნოემბერს თბილისის საქალაქო სასამართლომ „ავერსის“ კლინიკიდან პატიმრების გაქცევის საქმეზე დაკავებულ ბადრაგის ჯგუფის უფროსს, ივერი ნატრიაშვილს აღკვეთის ღონისძიებად პატიმრობა შეუფარდა.
ამასთან, კლინიკიდან გაქცეული 3 პატიმარი 2 ნოემბერს დააკავეს.
ავტორი: ექსპრესნიუსი,
epn.ge (@expressnews.ge)
