2023-11-04 10:01:59, 772 ნახვა
მსოფლიო
ნეპალში მიწისძვრის შედეგად, სულ მცირე, 129 ადამიანი დაიღუპა
ნეპალში მიწისძვრის შედეგად, სულ მცირე, 129 ადამიანი დაიღუპა, 140-მდე პირი კი დაშავდა. აღნიშნულის შესახებ ინფორმაციას CNN-ი ავრცელებს.
აშშ-ის გეოლოგიური სამსახურის ცნობით, 5,6 მაგნიტუდის სიმძლავრის მიწისძვრა ნეპალის ჩრდილო-დასავლეთ ნაწილში, კარნალის პროვინციაში დაფიქსირდა.
როგორც, CNN-ი წერს, ინდოეთის პრემიერ-მინისტრმა, ნარენდრა მოდიმ მიწისძვრის შედეგად დაღუპულთა ახლობლებს მიუსამძიმრა.
„ძალიან ვწუხვარ ნეპალში მიწისძვრის შედეგად დაღუპულთა გამო. ინდოეთი სოლიდარულია ნეპალის ხალხის მიმართ და მზად არის, გაუწიოს ყველა შესაძლო დახმარება. ჩვენი ფიქრები დაღუპულთა ოჯახებთან არის. დაშავებულებს სწრაფ გამოჯანმრთელებას ვუსურვებთ“, - განაცხადა მოდიმ.
ავტორი: ექსპრესნიუსი,
epn.ge (@expressnews.ge)
