ტერორისტული გაერთიანება „ჰეზბოლას“ მეთაურმა,  ჰასან ნასრალამ განაცხადა, რომ ისინი  უნდა დაეხმარონ ჰამასს გამარჯვებაში და ომის შეჩერებაში.

ამის შესახებ. „ჰეზბოლას“ ლიდერმა სპეციალურ ვიდეო მიმართვაში განაცხადა.

„თუ  ჩვენ გვსურს ბრძოლა სრული ლეგიტიმურობით, არ არსებობს ამისთვის უკეთესი შესაძლებლობა გარდა ბრძოლისა სიონისტების წინააღმდეგ. ეს არის ერთადერთი ომი, რომელიც იმსახურებს ბრძოლას. ეს ომი არის ყველაზე დიდი ომი, რომელიც ალაჰის სახელით მიმდინარეობს", - აცხადებს ტერორისტების ლიდერი.

 ნასრალა ამბობს, რომ "ჰამასის" მოულოდნელი თავდასხმა სამხრეთ ისრაელზე 7 ოქტომბერს იყო 100%-ით პალესტინელთა დაგეგმილი და კარგი მოულოდნელობა აღმოჩნდა წინააღმდეგობის ღერძისთვის, „ჰეზბოლას“ და ირანის ჩათვლით, რომლებსაც მისი თქმით,  წინასწარ არანაირი ინფორმაცია არ ჰქონდა ოპერაციის შესახებ.

მან მოუწოდა ყველა არაბულ ქვეყანას შეწყვიტონ ნავთობის გაყიდვა და გაგზავნა შეერთებულ შტატებსა და ისრაელში. ჰასან ნასრალა აცხადებს, რომ ლიბანის ფრონტზე ისრაელის წინააღმდეგ სამხედრო ოპერაციების დასაწყებად  "ყველა განსახილველი ვარიანტი მაგიდაზეა"

ნასრალას თქმით, სამხრეთ ლიბანში ისრაელის შეიარაღებულ ძალებთან მიმდინარე საბრძოლო მოქმედებების ფარგლებში ამ დროისთვის უკვე დაღუპულია „ჰეზბოლას“ სულ მცირე  57  მებრძოლი.

„თუ ამერიკას სურს რეგიონული ომის თავიდან აცილება, ღაზაზე აგრესია უნდა შეწყდეს. ვარწმუნებ ამერიკელებს, რომ  რეგიონული ომის შემთხვევაში მათი ხომალდები და საჰაერო ძალები ძვირ ფასს  გადაიხდიან. ამერიკელებს ვეუბნები, გაიხსენონ თავიანთი დამარცხებები ავღანეთსა და ერაყში“, - ამბობს ტერორისტების მეთაური.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო